مـًٍـكـًٍـسـ$ـيـًٍكـًٍي
% المشرف العام %
 عدد الرسائل: 250
العمر: 20
تاريخ التسجيل: 26/04/2007
 | | موضوع: انتفض قلبي بغزال منصوري.... الثلاثاء مايو 29, 2007 9:29 am | |
| السلام عليكم والرحمة
اشحالكم ان شاءالله بخير الصراحة انا اول مرة اشارك فهالمنتدى
واتمنى انكم تقبلوني وياكم كأخ
انا قريت هالقصة فأحدى المنتديات وعجبتني واتمنى انها تعجبكم بعد
وابى ردوود
مبارك : العيوز ... العيووز ... و الله ياخوفي لا تكون امي العروووس و انا ما عندي خبر ...
ام مبارك : هاه ... شبلالاك محتشر ؟؟..
مبارك : حشى ساعة و انا مشغل السيارة و استنا الليدي ديانا تتكرم عليه عشان نسري العرس ...
ام مبارك : يالله عليك وين ساعه بعد ؟!!؟؟... عايشه .. عايشه هاتي المدخن ...
مبارك : امي بعدج ما ادخنتي ؟!!.. حرااام عليج ..
ام مبارك و هي تقطع رمست ولدها : عن الحشره ... ظك هنه خلني ادور العود ...
مبارك : الله يعيني عالحرمات ... و الله انكن صدق لعبة قطاووو ...
ام مبارك : قطاووو ؟؟!!؟.. ما عليه بشووفك جدام حرمتك شووو بتسوي ... يالله عسى ربي يبلاك بحرمة شينه اتظهرلك قرووون ..
مبارك : تخسي الا هي ... بعدها ما يابتها امها الي تظهرلي قرووون ... الا مبخوته الي بتظويني .. حرااام يا انها تحب ايدها ويه و قفا ...
ام مبارك : خييلي ما تنرام .... الخقه الا من عقبكم ..
مبارك : بسم الله عليكم يالمناصير ... الزين الا من عقبكم عاد ....
ام مبارك : بروووك يا مسود الويه المناصير خاوالك ....
و يروووح مبارك صوب امه و يحبها عراسها : فديت المناصير و الله ... يسد انج منهم ..
ام مبارك : .. ياللواته .. ظك عني ..
مبارك : ههههههههههههه ... انزين شو بلاج ..
ام مبارك : الله بلاني بك ... ياويلي يا مبارك فج الثوووب ...
مبارك : ههههههههههههه ... امايه تعرفين انا باخذ وحده بخليها ترفع ضغطج و تبليج بالسكري ..
ام مبارك : ما يحتاي حرمتك انت ارووحك بتذبحني ...
مبارك : ههههههههههههه فديت عيوزي و الله .... لا امايه انا ما باخذ وحده الا اذا هي تشبهج ... بس ما تكون ملسونه و لا تكون مسرفه و ما تتلغون ساعه جدام المنظره عشان تتعدل ..
ام مبارك : برووووك ظهر .. ظهر من الحجره ...
مبارك : ههههههههههههههههه....
و يرن تيلفون ام مبارك في هاللحظه ....
ام مبارك : مرحبا الساع ...
نوره : يالله يا سلامه ... اظني كنسلتي رووحت العرس ...
ام مبارك : لا وين كنسلنا .. لا فديتج هذووه انا و مبارك ظاهرين صوبج ...
مبارك : وين ظاهرين ؟.. .. يابويه العيوز بعدها ما تعطرت و لا ادخنت .. وين لين ما تفجج راسها عيوزي يبالها ساعه بعد .
ام مبارك : عيز حيلك عسى ...
مبارك : هههههههههههههه ...
نورة : خلاص عيل سلامه كنسلوا الروووحه دام انج بعدج ما فججتي راسج .. شوو تبينا نبيتهم العرس نصايف الليل ؟؟!!.
ام مبارك : حشى كلتولي فوادي انتي من صوب و بروووك من صوووب .. ترى الوثبه الا فرت حصاه عنا هيدولي شوي ..
مبارك : فرت حصاه ؟؟!!!... هيه انتي بتمين يالسه و انا الي بسوووق و بينهد حيلي .. اوين فرت حصاه ...
ام مبارك : بروووووك و الله لا احلف اني ما اروووح ..
مبارك : فديييييييييييييت عيوزي يوم تعصب ... فديتج الغاليه منوه بيوديج ان انا ما وديتج ...
ام مبارك : و الله الا الحايه فرتنا عليك ...الله ينطب سراج جن ما هناله السفر الا الحين ...
نوره : هيه تمي انتي و ولدج تتضاربوون و طبوه العرس ..
ام مبارك : لالالا مره اللحين سايرين صوبج ....
طلع مبارك هو و امه و عمته نوره من رماح رايحين صوووب الوثبه عشان يحظرووون عرس فيها ... نزّل مبارك امه و عمته عند خيمة الحرمات و كان رايح صوب الحوربيه و اتصلبه واحد من الشباب ..
مبارك : مرحبا الساااع ..
خليفه : يابو عيون سووود و وساع ...
مبارك : هههههه و منوه جاذب عليك هالجذبه ... لا تصدق اشاعه اشاعه .. انا عيوني خبوووق ربي لا هانك ..
خليفه : لالالا ما اصدق ... حاطينك غرشووب رماح .. و امس متوجينك شيخ مزاييين بالخيل ..
مبارك : ههههههههههه بعد ؟؟!!... .. منو الريال ؟؟
خليفه : معجب انا و اعجابي يزيد ... الشيخ ممكن نتعرف ؟؟..هههههههه
مبارك : هههههههه تتعرف ؟؟!!.. اقول الغالي قدم اوراقك فمكتب السكرتير و راجعنا عقب شهر ...
خليفه : السكرتير بعد مش مكتبك ؟؟!!!... ههههههه منحقك يالخييلي .. اففف لو ما كنت احبك بس ..هههههههه
مبارك : هههههههه فديت عيونك يالمري ... حرااام اني اموووت عليك .. فديت منطوقك و الله
خليفه : ههههههههه.. تسلملي يالغالي .. هاه المزيون وين دارك ؟؟..
مبارك : ربي يسلمك انا متواجد في الوثبه حاليا ...
خليفه : و الله ؟؟.. انا اسير صوب الوثبه اللحين ..
مبارك : و الله ؟!؟.. غايته ....خلاص الغالي برقبك عيل ..
خليفه : خلاص عيل بنتلاقى عند الدوار عند السووق الخضر .. بوقف سيارتيه و بخاويك في سيارتك ..
مبارك : خلالاص تم عيل ..
تريا مبارك خليفه الين ما وصل الوثبه و تخاووا فسيارة مبارك .. حاطووا شوي في الشعبيه و عقب راحوو صوب الحوربيه ...
خليفه : مبارك وقف هنيه ..
مبارك : لا يا بويه .. وين اوقف سيارتيه في نص هالزحمه ؟!!.. ما فيني يشحفونها لي مره ثانيه .. تحياتي: خطاف الارواح منقول |
|
الشليتي
/+~ْالمديــــر العـــــــام~ْ+/
عدد الرسائل: 146
تاريخ التسجيل: 24/04/2007
| | موضوع: رد: انتفض قلبي بغزال منصوري.... الثلاثاء يونيو 26, 2007 5:36 pm | |
| مشكووور اخوي على الموضوع وننتظر كل جديدك |
|
شليتي مايهاب الموت
φ عضو نشيط φ
عدد الرسائل: 73
تاريخ التسجيل: 30/06/2007
| | موضوع: رد: انتفض قلبي بغزال منصوري.... الجمعة يوليو 06, 2007 11:57 am | |
| |
|
زائر
زائر
| | موضوع: رد: انتفض قلبي بغزال منصوري.... الإثنين يناير 07, 2008 12:03 pm | |
| |
|
